Çdo vit në Bashkimin Europian, bëhen rreth 2.3 miliardë udhëtime me biçikletë, sipas Federatës Europiane të Çiklistëve (ECF). Kjo formë turizmi përbëhet nga aventurat shumëditore me biçikleta deri te udhëtimet e këndshme buzë lumit.

Rritja e çiklistëve në Europë

Dashuria për çiklizmin është thellësisht e ngulitur në ADN-në e Europës. Europa është kontinenti ku zhvillohet Tour de France, Giro d’Italia dhe La Vuelta a España. Por rritja e viteve të fundit e udhëtimit me biçikletç nuk ka të bëjë vetëm me garat elitare.

Gjithnjë e më shumë, turistët planifikojnë pushime me biçikletë rreth rrugëve të qeta, piktoreske që ofrojnë një mënyrë më gjithëpërfshirëse dhe miqësore me mjedisin për të eksploruar botën.

Sipas Euronews, ECF-ja thotë se turizmi me biçikletë tani gjeneron më shumë se 44 miliardë euro në vit dhe mbështet mijëra biznese të vogla, nga bujtina rurale deri te dyqanet me qira të biçikletave. Në shumë raste, çiklistët ndihmojnë në zgjerimin e turizmit përtej pikave të zakonshme të nxehta, duke sjellë të ardhura jashtë sezonit ose shtesë, në qytete dhe rajone më pak të vizituara.

Dhe nëse shtoni përfitimet ekonomike, si përmirësim i shëndetit dhe kursimet e karburantit, ECF vlerëson se çiklizmi prodhon 150 miliardë euro në përfitime totale për Europën.

Përfitimet e turizmit me biçikletë shkojnë përtej ekonomisë. Ngasja e biçikletës edhe për udhëtime të shkurtra mbështet disa nga Objektivat e Zhvillimit të Qëndrueshëm (SDG) të Kombeve të Bashkuara, nga ulja e emetimeve të karbonit deri te përmirësimi i shëndetit fizik dhe mendor, dhe krijimi i sistemeve të transportit më gjithëpërfshirse dhe të arritshme.

Nuk është çudi, që udhëtarët po ndërrojnë gjithnjë e më shumë udhëtime dhe fluturime të gjata, me përvoja në ajër të pastër dhe i japin përparësi mirëqenies.

Biçikleta elektrike, mënyra më e mirë për të eksploruar

Tani, qeveritë kombëtare po bëjnë një hap përpara. Mbretëria e Bashkuar njoftoi gati 355 milionë euro financim në muajin shkurt për të përmirësuar infrastrukturën e ecjes dhe çiklizmit në Angli. Investimi do të shtojë 300 milje rrugë të reja, do të krijojë kalime më të sigurta dhe do të ofrojë trajnim falas për çiklizëm për qindra mijëra nxënës shkolle.

Qyteti i Mançesterit po shkon një hap më tej, duke synuar t’i bëjë të ashtuquajturat rrugë ‘udhëtimi aktiv’, gjerësisht të arritshme përmes rrjetit të korsive të ecjes, çiklizmit, autobusëve dhe tramvajit.

Ndërsa qeveritë investojnë në infrastrukturë miqësore me çiklizmin dhe më shumë udhëtarë kërkojnë mënyra kuptimplote dhe me ndikim më të ulët për të eksploruar, çiklizmi dallohet për thjeshtësinë dhe aksesin.

Qoftë një udhëtim fundjave përgjatë Danubit apo një udhëtim njëmujor nga Norvegjia në Portugali, çiklizmi po bëhet si një aset turistik ashtu edhe një e mirë publike, që ju lejon të përjetoni Europën në mënyrë më miqësore me mjedisin por edhe me shëndetin tuaj. /AutoPortali