Hoffenheim ka përcaktuar qartë strategjinë e tyre lidhur me të ardhmen e Fisnik Asllanit, duke vendosur një vlerë shumë të lartë për kartonin e sulmuesit.

Klubi gjerman nuk është i gatshëm të diskutojë për një transferim të mundshëm nëse oferta nuk arrin të paktën shifrën prej 50 milionë eurosh.

Burime pranë Hoffenheimit bëjnë të ditur se drejtuesit e konsiderojnë Asllanin si një pjesë kyçe të projektit sportiv dhe nuk ndihen nën presion për ta larguar.

Performancat e fundit të 22-vjeçarit kanë tërhequr vëmendjen e disa klubeve europiane, të cilat po monitorojnë nga afër paraqitjet e tij.

Me kontribut të rëndësishëm në fazën ofensive, gola të shënuar dhe inteligjencë taktike në lojë, Asllani ka dëshmuar pjekuri dhe potencial për një hap të madh në karrierë.

Pikërisht këto elemente e kanë shtyrë Hoffenheimin ta vlerësojë jo vetëm për atë që ofron aktualisht, por edhe për zhvillimin e tij në të ardhmen.

Vendosja e këtij çmimi shihet si një sinjal i qartë për tregun e transferimeve se Hoffenheim do të pranojë vetëm oferta të jashtëzakonshme.

Javët në vijim pritet të tregojnë nëse ndonjë klub do të jetë i gatshëm të përmbushë kërkesat financiare për shërbimet e sulmuesit. /AutoPortali