Të enjten parashikohet të mbajë mot kryesisht i vranët dhe priten reshje lokale shiu, kryesisht gjatë orëve të mëngjesit. Gjatë ditës mund të ketë ndonjë reshje të izoluar, ndërsa më vonë pritet vranësirat të tërhiqen.

Sipas MeteoKosova, gradualisht do të shtrihen koncentrime të pluhurit saharian, me ç’rast reshjet do të përzihen me baltë, përcjell AutoPortali.

Era do të fryjë drejtimesh të ndryshme, me shpejtësi prej 5-38 km/h.

Temperaturat do të pësojnë ulje për disa gradë, me minimale që do të lëvizin prej 10 deri në 13°C, ndërsa ato maksimale prej 18 deri në 22°C.