Dy supermakina italiane rikthejnë lavdinë e rally-ve të viteve ’70 dhe ’80, MAT New Stratos dhe Kimera EVO37. Të frymëzuara nga ikonat e Grupit B, këto modele moderne nuk janë thjesht homazhe janë rikrijime teknologjike me shpirt gare dhe stil të pakompromis. Por cila prej tyre është më afër zemrës së legjendës?
Një legjendë që rilindë
Sipas AutoBlog, prodhuesi italian Lancia ka lënë gjurmë të pashlyeshme në botën e rally-t me makinat e tij të famshme të Grupit B gjatë viteve ’70 dhe ’80. Dy prej më të njohurave ishin Stratos dhe 037 simbole të një epoke kur makinat me traksion të pasëm dominonin, para se teknologjia të kalonte drejt traksionit të katërfishtë.
Stratos njihej për boshtin e shkurtër, motorin e fuqishëm dhe dinamikën e jashtëzakonshme në duart e pilotëve të aftë, transmeton AutoPortali.
Ndërkohë, 037 fitoi lavdi për drejtimin preciz, reagimin e shpejtë dhe sjelljen e parashikueshme në pistë. Të dyja konsiderohen si disa nga makinat më të mira të rally-t të kohës së tyre.
Kjo pasion për ikonat e së kaluarës frymëzoi lindjen e dy homazheve moderne mbresëlënëse: MAT New Stratos dhe Kimera Automobili EVO37. Të dyja risjellin shpirtin e heronjve të Grupit B me dizajn bashkëkohor, inxhinieri të nivelit të lartë dhe performancë të klasit supermakinë sigurisht, me çmime që i përshtaten kësaj kategorie.
Edhe pse secila ndjek qasje të ndryshme, të dyja janë nderime të denja. Por cila është më e “ftohta” më autentikja? Le ta zbulojmë.
Manifattura Automobili Torino (MAT)
Bota e makinave kishte kohë që priste rikthimin e Stratos-it nëse jo në kampionatin botëror të rally-t, të paktën në rrugë të ligjshme. Ëndrra për një Lancia Stratos moderne u bë realitet nga Paolo Garella, ish-menaxher i projekteve speciale në Pininfarina, i cili themeloi Manifattura Automobili Torino (MAT) në tetor të vitit 2014, në Rivalta di Torino.
MAT është një shtëpi artizanale italiane që prodhon makina luksoze dhe modele të limituara të ndërtuara me dorë.
New Stratos ishte ideja e biznesmenit gjerman Michael Stoschek, i cili i kërkoi Pininfarina-s të rikrijonte Lancia Stratos. Modeli i parë, i ndërtuar në vitin 2010, ishte një veturë e vetme, e personalizuar, e bazuar në shasinë e Ferrari F430 Scuderia të vitit 2007, me motor të fuqishëm V8 nga Ferrari 458 Scuderia.
Pasi prototipi u ndërtua, Ferrari refuzoi që ta çonte në prodhim, duke e lënë projektin në vendnumëro me vetëm një njësi. Garella, që kishte ndjekur projektin që nga fillimi, arriti një marrëveshje me Stoschek për ta transferuar te MAT dhe ta prodhonte në seri të kufizuar.
MAT New Stratos pati debutimin e tij zyrtar në Panairin Ndërkombëtar të Gjenevës në vitin 2018. /AutoPortali
