Klubi spanjoll Real Betis ka shfaqur një interes të qartë për Asllanin, duke monitoruar nga afër zhvillimet në lidhje me rolin e tij te Interi, ku deri tani nuk ka arritur të sigurojë një vend fiks në formacionin bazë.

Sipas raportimeve nga Sky Sport, Betisi pritet të bëjë lëvizje më konkrete në ditët dhe javët e ardhshme për të siguruar shërbimet e lojtarit 22-vjeçar, transmeton AutoPortali.

Asllani iu bashkua skuadrës zikaltër mes shumë pritshmërish, por deri më tani nuk ka gjetur hapësirën e dëshiruar dhe vazhdon të përballet me një situatë të paqartë në klubin italian.

Interi ende nuk ka marrë një vendim final për të ardhmen e tij, por në rast se ndodh një largim, kjo mund të ndikojë në strukturën e mesfushës.

Nga ana tjetër, Betisi ka nisur kontaktet fillestare dhe nuk përjashtohet mundësia që edhe skuadra të tjera të hyjnë në garë për nënshkrimin e shqiptarit.

Nëse Asllani largohet, kjo mund të hapë rrugë për prurje të reja në mesfushën e Interit, veçanërisht nëse largohet edhe Hakan Calhanoglu, një zhvillim që do të detyronte klubin të rishikojë planet e tij për repartin qendror.

Gjithashtu, edhe Atalanta vazhdon të ketë interes për futbollistin e kombëtares shqiptare, ndërkohë që Interi pritet të marrë një vendim përfundimtar për të në javët që vijnë.