Shoferët më të mirë të rally-t në botë ndodhen në Japoni, ku këtë fundjavë do të zhvillohet gara e parafundit në Kampionatin Botëror të Rally FIA 2025.

Në program janë 29 prova shpejtësie me një gjatësi totale prej 305,34 kilometrash. Shakedown, ku garuesit do të bëjnë rregullimet finale dhe më të imtësishme të makinave, do të mbahet të enjten, me start në orën 09:01.

Prova e parë e shpejtësisë nis të njëjtën ditë, të enjten, me një superspeciale në stadiumin Toyota (prefektura Aichi). Rally do të përfundojë me provën e shpejtësisë Power Stage, e cila do të mbahet të dielën në orën 14:15.