Aleix Espargaro u shtrua në spital pas një aksidenti serioz gjatë testeve të MotoGP në Sepang, ku po punonte me ekipin testues dhe të zhvillimit të Honda-s. Piloti spanjoll njoftoi se pësoi disa mavijosje dhe katër fraktura në rruazat e shtyllës kurrizore, por fatmirësisht pa dëmtim të palcës kurrizore.

Pas disa ditësh në spitalin CU Aurelius, ai mori trajtim të mirë dhe është kthyer në shtëpi, ku do të vendosë nëse ka nevojë për operacion. Ai falënderoi ekipin e Honda-s për mbështetjen dhe siguroi se do të rikthehet.

Në muajt e fundit, Espargaro ka qenë i fokusuar në zhvillimin e motorit Honda RC213V për sezonin 2026, ndërsa piloti tjetër testues, Takaaki Nakagami, po punon për modelin e ri 2027 me motor 850cc dhe goma Pirelli.

Pas këtij dëmtimi, Nakagami do të duhet të kontribuojë në zhvillimin e të dy projekteve derisa Espargaro të rikuperohet dhe të rikthehet në pistë.