Federata Ndërkombëtare e Automobilizmit (FIA) ka konfirmuar se do të vazhdojë testimin e procedurës së re të nisjes në provat e Formula 1 në Bahrain, pasi McLaren e cilësoi nisjen e së mërkurës si “të arsyeshme”.

Shefi i ekipit, Andrea Stella, kishte shprehur shqetësime për procedurën e re të vitit 2026, pasi pilotët duhet të përgatisin manualisht turbot duke mbajtur rrotullimet për mbi 10 sekonda. FIA testoi një zgjatje prej pesë sekondash para ndezjes së dritave, që rezultoi në një nisje të qetë.

Testimet do të vazhdojnë edhe dy ditë para se të merret vendimi për fillimin e sezonit në Australi.