FIA ka zbuluar kalendarin e ri të EURO RX për vitin 2026, pas miratimit nga Këshilli Botëror i Sporteve Motorike. Sezoni do të përfshijë gjashtë gara në disa nga pistat më ikonike të rallycross-it, si dhe vizita në tri vende të reja.

Sezoni nis me EURO RX të Letonisë në Bikernieki (09–10 maj), një nga pistat më të gjata dhe më sfiduese të Evropës. Më pas kampionati zhvendoset në Hungari (30–31 maj) dhe në Suedi për “Fundjavën Magjike” në Holjes (04–05 korrik).

Në mesin e sezonit, kampionati kthehet në Irlandë për herë të parë që nga vitet ’90, me garën në Mondello Park (18–19 korrik). Gara parafundore zhvillohet në Francë, në pistën legjendare të Lohéac (29–30 gusht), ndërsa sezoni mbyllet me EURO RX të Portugalisë në Lousada (12–13 shtator).

Drejtoresha e Sporteve Rrugore të FIA-s, Emilia Abel, deklaroi se kalendari i 2026-s rikthen rallycross-in në pistat historike, duke kombinuar traditën me vende të reja dhe duke u fokusuar në interesat e fansave, ekipeve dhe organizatorëve.

Të gjitha garat e vitit 2026 do të transmetohen live dhe falas në kanalin zyrtar të YouTube të FIA European Rallycross.