Kompania amerikane Grounded, e njohur për prezantimin e një kampingu elektrik në vitin 2023, ka zgjeruar gamën e saj duke prezantuar modelin C1 gjatë Climate Week NYC.
Ky automjet i ri bazohet në platformën elektrike të kompanisë Harbinger dhe është i dizajnuar posaçërisht për flotat qeveritare dhe ato të kujdesit shëndetësor.
C1 do të ofrohet në tri konfigurime kryesore: qendër komanduese mobile për policinë, klinikë lëvizëse për shërbime mjekësore parandaluese dhe njësi për reagim ndaj katastrofave, raporton Telegrafi.
Versioni për policinë premton komunikim të sigurt, furnizim të besueshëm me energji dhe hapësirë pune për menaxhimin e emergjencave, përcjell AutoPortali.
Ndërkohë, klinika lëvizëse mundëson ofrimin e mamografive, vaksinimeve dhe shërbimeve të tjera shëndetësore për komunitetin.
