Claire Williams ka mbrojtur vendimin e McLaren për të mos favorizuar as Lando Norris e as Oscar Piastri.

Ish-shefi i ekipit Williams tha se qasja e McLaren për menaxhimin e pilotëve të saj, duke lejuar që Norris dhe Piastri të luftojnë në pistë pa favorizuar askënd, është e drejtë, edhe pse nuk është e lehtë për t’u menaxhuar.

“Është një punë e vështirë”, tha Williams për talkSPORT. “Në McLaren, Lando dhe Oscar janë pilotë të qetë, por njëkohësisht shumë konkurrues. Të dy kanë luftuar për të arritur ku janë sot në Formula 1 dhe ëndrra e tyre ka qenë gjithmonë të fitojnë kampionatin e pilotëve. Ata do të luftojnë me njëri-tjetrin në pistë, dhe menaxhimi i kësaj nuk është aspak i lehtë”.