Një ishull i vogël në Shqipëri pritet të shndërrohet në një resort luksoz.

Një kërkesë është miratuar për të transformuar ishullin e pabanuar të Sazanit, i vendosur në Gadishullin Ballkanik, në një destinacion turistik të shumëkërkuar, transmeton AutoPortali.  

Fotografitë tregojnë një plazh shkëmbor në Ishullin e Sazanit në Shqipëri, me ujë të kthjellët në ngjyrë të kaltër dhe mbetje të një strukture prej betoni.

Ishulli ndodhet rreth 30 minuta nga bregu i Shqipërisë. Gjithashtu, aty shihen edhe gjurmë të mbetura nga lufta.

Kërkesa për zhvillimin e ishullit u bë nga Jared Kushner, dhëndri i Donald Trump-it, në mars të vitit 2024.

Planet e tij për të kthyer ishullin në një resort pushimi parashikojnë një kosto prej 1.4 miliardë euro (1.2 miliardë funta).

“Investimi i parashikuar ‘Resorti Turistik i Ishullit të Sazanit’, me vlerë 1.4 miliardë euro, përmbush kriteret e përcaktuara në legjislacionin për investimet strategjike. Investimi përmbush kriteret mbi numrin e vendeve të punës të kërkuara nga ligji për investimet strategjike. Gjatë fazës së zhvillimit dhe funksionimit të investimit, parashikohet punësimi i 1,000 personave.”, thotë një vendim i qeverisë shqiptare.

Vendimi qeveritar thekson se projekti do të shtrihet në rreth 562 hektarë, nga të cilat rreth 45 hektarë do të zhvillohen.

Jared Kushner ka propozuar zhvillimin e zonës së Zvërnecit të ishullit, e cila ndodhet brenda zonës së mbrojtur mjedisore të Sazanit, shkruan The Sun.

Ishulli, me një sipërfaqe vetëm pesë kilometra katrorë, është përdorur më parë si bazë ushtarake.

Gjatë Luftës së Parë Botërore, ishulli u pushtua nga Italia – e cila vendosi një komandë ushtarake dhe ndërtoi një fener dhe objekte detare në ishull (i njohur si Saseno në italisht).

Ishulli ka qenë pjesë e Italisë nga viti 1920 deri pas Luftës së Dytë Botërore.

Gjithashtu, ishulli është populluar për një kohë të shkurtër nga disa familje peshkatarësh të zhvendosur nga Pulia.

Në vitin 1947, ishulli iu dorëzua Shqipërisë si pjesë e marrëveshjeve pas lufte.

Ai u përdor si bazë detare deri në dhjetor të vitit 2024, ndërsa për publikun është hapur që nga viti 2017.

Në vitet e fundit, Sazani është bërë një atraksion turistik i njohur, veçanërisht gjatë verës.

Ajo që e bën ishullin më tërheqës për pushuesit është klima unike, transmeton AutoPortali.

Për shkak të vendndodhjes së tij, temperaturat mesatare variojnë nga 16 gradë celcius në janar deri në 29 gradë celcius në qershor, çka do të thotë se është ngrohtë gjatë gjithë vitit, pa qenë tepër nxehtë në verë.

Ishulli i Sazanit mund të arrihet me varkë ose skaf nga Vlora, me çmim nga 25 euro për person, dhe udhëtimi zgjat 30 minuta.

“Një vend i mrekullueshëm, i paprekur prej vitesh me ndërtesa ushtarake historike dhe një plazh të bukur. Një nga vendet më të mira në Shqipëri.”, ka shkruar një vizitor në TripAdvisor.

“Ky është një vend unik, një ishull ish-ushtarak që ishte i mbyllur për dekada me radhë për publikun. Një përzierje emocionuese mes natyrës së paprekur dhe mbetjeve të ndryshkura të së kaluarës ushtarake!”, ka shkruar një tjetër vizitor.

Po ashtu, banorët vendas ndajnë këshillat e tyre më të mira për Shqipërinë – nga plazhet tropikale deri te pjatat me çmim 40 lekë.

Dhe përmendet gjithashtu një cep pak i njohur i Europës Lindore që vizitorët e përshkruajnë si “një Tajlandë në miniaturë”.

Ajo shtrihet nga Vlora në veri deri në Ksamil në jug.

Sezoni më i ngarkuar është korriku dhe gushti, por edhe në këto muaj ka më pak turma se destinacionet e tjera të njohura në Europë.

Muajt më të mirë për vizitë janë maji deri në shtator, me temperatura që shkojnë deri në 28 gradë celcius.

Shumica e plazheve shqiptare janë të gjëra dhe me rërë, kështu që vizitorët kanë shumë zgjedhje se ku të shkojnë.

Në pjesën më veriore ndodhet Vlora, që është pikënisja për shumë vizitorë që udhëtojnë përgjatë bregut – megjithëse ka edhe plazhet e saj.

Në pjesën jugore ndodhet Ksamil, afër kufirit me Greqinë.

Pamjet nga resortet bregdetare tregojnë ujëra bruz të kthjellët, dhe një grup udhërrëfyesish turistikë e përshkruan si me “ndjesinë e Bora Boras”.

Të tjerë e quajnë “Maldivet e Europës”. /AutoPortali/