Kampionati Botëror i Rally-t (WRC) do të mirëpresë në vitin 2027 rikthimin e dy kampionëve të botës, Kalle Rovanperas dhe Ott Tanakut, të cilët do të jenë pjesë e ekipit Toyota.

Kalle Rovanpera, dy herë kampion bote, ishte larguar nga WRC në fund të vitit 2025 për të provuar garat me makina njëvendëshe në Super Formula. Megjithatë, problemet shëndetësore e detyruan të ndërpriste këtë plan. Tashmë, finlandezi është rikuperuar dhe do të rikthehet në WRC me një program të pjesshëm në timonin e Toyota GR Yaris. Ai shpreson të marrë pjesë edhe në disa gara në pistë me makina GT.

Ott Tanak, kampion bote në vitin 2019, gjithashtu u largua nga WRC në fund të vitit 2025, pas një sezoni zhgënjyes me Hyundai. Gjatë pushimit, ai punoi si pilot testues dhe zhvillues për Toyota-n, duke kontribuar në zhvillimin e makinave GR Yaris dhe GR Celica.

Në vitin 2027, estonezi do të rikthehet me kohë të plotë në WRC, duke synuar të luftojë sërish për titullin botëror.

Rikthimi i dy kampionëve përforcon ndjeshëm Toyota-n, e cila synon të jetë ndër pretendentët kryesorë për titullin në sezonin 2027.