Tim Mayer, 59 vjeç, është një nga kandidatët për president të FIA-s me përvojë të gjatë në motorsport. Me prindër amerikanë por i lindur në Britani, Mayer ka shërbyer si komisar gare për FIA-n nga viti 2009 deri në 2024 dhe ka pasur role kyçe në organizimin e garave në SHBA.

Ai është djali i Teddy Mayer, ish-drejtues i McLaren për afro dy dekada, një nga figurat historike të Formula 1. Tim Mayer ka punuar me ish-pilotin Emerson Fittipaldi, ka themeluar një kompani konsulence për transmetimin e garave dhe ka mbajtur role drejtuese në IMSA dhe ACCUS.

Në vitin 2023, Mayer u përfshi në një konflikt interesi pasi përfaqësoi ligjërisht organizatorin e Çmimit të Madh të SHBA-së, ndërkohë që ishte edhe komisar gare për FIA-n. Për këtë arsye, ai u shkarkua në mënyrë të befasishme, përmes një mesazhi, gjë që ai e kritikoi si një veprim joprofesional nga ana e federatës.