Pas gjashtë vitesh te Ferrari, Charles Leclercut po i pëlqen gjithnjë e më shumë ideja e Aston Martin-it, ku do të donte të niste kapitullin e tij të ri në karrierë.

Mediat italiane kanë siguruar informacione se Leclerc është gjithnjë e më pranë vendimit për t’u larguar nga Ferrari.

“Leclerc do të presë, ai dëshiron të shohë se si do të shkojnë tre ose katër garat e para në vitin 2026. Nëse rezultatet sërish do të jenë zhgënjyese, ai do të bëhet pilot i Aston Martin-it që në vitin 2027”, ka theksuar gazetari i “Corriere della Sera”.

Derisa është pjesë e Ferrarit, Leclerc deri tani ka zhvilluar 171 gara, me 50 podiume, 27 pole-position dhe dhjetë xhiro më të shpejta.