Një Ferrari Enzo, disa Lamborghini, Porsche, Bentley, Nissan Skylines dhe madje edhe një Honda NSX: këto janë vetëm disa nga mijëra supermakina luksoze që ende mbledhin pluhur në aeroporte, garazhe dhe depo në të gjithë Emiratet e Bashkuara Arabe.

Gulf News shkruan se numri i automjeteve të braktisura është ulur, por se ka ende disa. Shumica e makinave përfundojnë duke u konfiskuar pasi kanë qëndruar të parkuara për një kohë të gjatë, transmeton AutoPortali.

Imigrantët e huaj janë një nga arsyet kryesore pse po ndodh kjo. Ata udhëtojnë në qytete si Dubai dhe Abu Dhabi në kërkim të parave të shpejta, por përballen me vështirësi për shkak të dështimeve të biznesit.

Në shumë raste, këta janë pronarë që nuk i kanë përmbushur kushtet e financimit për supermakinat e tyre ose biznesmenë që kanë falimentuar.