Një Mustang i super-ngarkuar i vitit 1995, që dikur i përkiste legjendës së boksit George Foreman, po del në treg – dhe mund të blihet për vetëm 9,000 paund.

Vetëm 42 njësi të modelit Saleen S351 kabriolet janë prodhuar atë vit, dhe kjo në fjalë është njësia numër 30, e përfunduar në mars të vitit 1995.

Ajo ishte pjesë e materialeve promocionale të kompanisë Saleen, dhe më pas iu dhurua Foreman-it si shpërblim për përfshirjen e tij në fushatën reklamuese të kompanisë.

Mustangu i vjetër i George Foreman del në shitje për 9,300 paund.

Pavarësisht se e ka mbajtur për dekada në koleksionin personal, legjenda e boksit thuhet se e ka ngasur makinën shumë rrallë. Sot, pas gati 30 vjetësh, makina e verdhë e ndezur po del në shitje, dhe mbetet një makinë me karakter të fortë, ashtu si pronari i saj.

Nën kofano fshihet një motor 5.8 litra V8 R-code me supercharger, që prodhon 510 kuaj fuqi dhe arrin shpejtësi maksimale prej 172 milje në orë (rreth 277 km/h).

Brendësia përfshin ulëse të zeza prej lëkure Recaro, dhe kilometrazhi është tejet i ulët: vetëm 728 milje të përshkuara, sipas Luxury Auto News.

Nën kofano ndodhet një motor 5.8-litërsh V8 R-code me supercharger, që prodhon plot 510 kuaj fuqi dhe arrin shpejtësinë maksimale prej 172 milje në orë (rreth 277 km/h).

Për këtë makinë janë shpenzuar mbi 42,000 paund për përmirësime, ndërsa dokumentacioni përfshin edhe një kopje të certifikatës së pronësisë në emrin e George Foreman.

Ankandi mbyllet më 28 korrik, ndërsa organizohet nga SBX Cars, që thekson:

“Ky është një automjet që nuk ka të dytë. Është mishërimi i sloganit të Saleen: Fuqia në duart e pak njerëzve.”

Makina mbetet një ëndërr për koleksionistët, jo vetëm për fuqinë që fsheh nën kofano, por edhe për trashëgiminë që mbart nga një kampion i padiskutueshëm si George Foreman – dy herë kampion bote në peshat e rënda dhe fitues i medaljes së artë olimpike. /AutoPortali