Me afrimin e sezonit të ftohtë, rritet edhe nevoja për kujdes të shtuar në trafik.

Nga nesër, më 15 nëntor të gjitha automjetet duhet të jenë të pajisura me goma dimri. Ky detyrim, që vlen deri më 15 mars, ka për qëllim rritjen e sigurisë në rrugë dhe parandalimin e aksidenteve gjatë kushteve të vështira të motit, shkruan AutoPortali.

Gomat e përshtatshme përmirësojnë qëndrueshmërinë e mjetit, ulin distancën e frenimit dhe rrisin kontrollin në akset rrugore që mbeten të lagështa, të ngrira apo të mbuluara me dëborë.

Ndryshe, shoferët që nuk respektojnë afatin për ndërrimin e gomave ose qarkullojnë pa zinxhirë, gjobiten nga Policia e Kosovës./AutoPortali.