Yuki Tsunoda përfundoi në vendin e 9-të në Çmimin e Madh të Holandës, duke marrë pikët e para që nga Imola, megjithëse një gabim teknik i kushtoi shumë.

Pas ndalesës së fundit në xhiron 54, makina e tij ngeci në një hartë të gabuar të gazit, e cila përdoret zakonisht për nisje dhe jo për garë. Kjo bëri që pedali i gazit të mos reagonte deri në 40 për qind shtypje, çka e bëri makinën shumë më të ngadaltë.

“Instruksionet ishin të kalonte në ‘strat 11’ pas ndalesës, por duket se nuk e bëri në kohë dhe mbeti i bllokuar në modalitetin e nisjes”, shpjegoi shefi i ekipit Laurent Mekies.

Pavarësisht vështirësive, Tsunoda arriti të mësohej me problemin gjatë fazës me makinën e sigurisë dhe fitoi disa pozita, përfundoi i nënti dhe siguroi dy pikë.

“Makina e sigurisë ishte më e shpejtë se unë në një moment,” tha ai. “Por jam krenar për mënyrën si e menaxhova. Nuk ishte e lehtë.”

Mekies shtoi se, pa këtë problem, Tsunoda mund të kishte përfunduar në vendin e 7-të.