Më të vogla se gondolat, “sandoli” janë varka të lashta që janë përdorur nga venecianët e zakonshëm për shekuj me radhë. Sot, ato i çojnë udhëtarët në cepat e qeta të Venedikut, ku varkat e tjera nuk mund të shkojn, transmeton AutoPortali.

Është ora 09:00 në Venecia dhe një heshtje paqësore mbulon rrugët dhe kanalet e ngushta të qytetit. Turistët ditorë fillojnë të zbresin në lagunë, ndërsa Luca Padoan mbështetet në një mur pranë Rio della Misericordia, një nga kanalet që kalojnë përmes ish-Getos Hebraike. Ndërsa shikon lagjen të gjallërohet nga pas syzeve të diellit, disa turistë afrohen, duke pyetur me kujdes nëse mund të fotografojnë varkën sandolo të punuar me dorë të ankoruar në të majtën e tij.

 «Gjithmonë e kam shpjeguar se kjo nuk është një gondola, por paraardhësi i saj», tha Padoan, duke i ledhatuar rremën.

Ndërsa Venecia është sinonim i shumë gondolat e zbukuruara që lundrojnë në kanalet e saj, shumë pak njerëz dinë për të afërmin më pak të njohur të anijes, sandolon, që dikur popullonte rrugët ujore të Venedikut. Të karakterizuara nga një “kaçurrelë” çeliku në sqep dhe zakonisht të lyera me të zezë si mesnatë, këto anije me fund të sheshtë janë përdorur historikisht për të lundruar në ujërat e cekëta të lagunës dhe për të transportuar mallra dhe njerëz nga Venecia në Italinë kontinentale, shkruan BBC Travel.

“Nëse nuk e kuptoni origjinën e qytetit dhe evolucionin e tij, nuk mund ta shpjegoni rëndësinë historike të sandolo-s. Thellësia mesatare e lagunës [në të kaluarën ishte tepër e cekët]. Me një varkë normale, nuk mund të arrije atje”, shpjegoi Valentino Scarpa, i cili mbikëqyr nëntë  stazi-t (stacionet) ku varkat sandolo vazhdojnë të transportojnë venecianët dhe turistët përmes kanaleve edhe sot./AutoPortali/