Për herë të dytë radhazi, yjet e futbollit Cristiano Ronaldo dhe Lionel Messi nuk janë përfshirë në listën e të nominuarve për çmimin prestigjioz të Topit të Artë për vitin 2025.
Kjo surprizë u bë publike menjëherë pasi organizatorët shpallën listën e plotë të 30 futbollistëve që do të luftojnë për trofeun më të lakmuar individual në futbollin botëror.
Në krye të listës janë emra të rinj dhe yje në formë, si Ousmane Dembélé i Paris Saint-Germain dhe talenti i ri i Barcelonës, Lamine Yamal, që shihen si favoritët kryesorë.
Pavarësisht sezonit të mirë të Ronaldos, i cili shënoi 33 gola në të gjitha garat vendore dhe fitoi Ligën e Kombeve me Portugalin, legjenda portugeze nuk do të jetë pjesë e ceremonisë që do të mbahet muajin e ardhshëm në Paris.
Kjo nuk është hera e parë që Ronaldo mbetet jashtë garës; asnjë lojtar që aktivizohet jashtë pesë ligave më të mëdha evropiane nuk u përfshi në listë, megjithëse lojtari i Arsenalit Viktor Gyökeres mori vlerësime për paraqitjet e tij me Sporting Lisbonën.
Në vitin 2021, Ronaldo kritikoi hapur vendimin e jurisë për t’i dhënë Topin e Artë Messit, ndërsa vitin e kaluar ai e quajti çmimin pa “kredibilitet” pas fitores së Rodrit para Vinicius Junior.
Megjithatë, këtë herë ai u tregua më i matur dhe nuk reagoi ashpër, transmeton AutoPortali.
Pak orë pas shpalljes së listës, Ronaldo postoi në Instagram një mesazh motivues pranë një fotografie të tij duke festuar golin me Al Nassr: “Keep pushing, there’s more to do” (“Vazhdo të shtysh përpara, ka ende për të bërë”).
Lista e plotë e të nominuarve për Topin e Artë 2025 (meshkuj):
Ousmane Dembélé (Paris Saint-Germain, Francë)
Gianluigi Donnarumma (Paris Saint-Germain, Itali)
Jude Bellingham (Real Madrid, Angli)
Desire Doue (Paris Saint-Germain, Francë)
Denzel Dumfries (Inter Milan, Holandë)
Serhou Guirassy (Borussia Dortmund, Guine)
Erling Haaland (Manchester City, Norvegji)
Viktor Gyökeres (Arsenal/Sporting CP, Suedi)
Harry Kane (Bayern Munich, Angli)
Khvicha Kvaratskhelia (Paris Saint-Germain/Napoli, Gjeorgji)
Robert Lewandowski (Barcelona, Poloni)
Alexis Mac Allister (Liverpool, Argjentinë)
Lautaro Martínez (Inter Milan, Argjentinë)
Scott McTominay (Napoli, Skoci)
Kylian Mbappé (Real Madrid, Francë)
Nuno Mendes (Paris Saint-Germain, Portugali)
Joao Neves (Paris Saint-Germain, Portugali)
Pedri (Barcelona, Spanjë)
Cole Palmer (Chelsea, Angli)
Michael Olise (Bayern Munich, Francë)
Raphinha (Barcelona, Brazil)
Declan Rice (Arsenal, Angli)
Fabian Ruiz (Paris Saint-Germain, Spanjë)
Mohamed Salah (Liverpool, Egjipt)
Virgil van Dijk (Liverpool, Holandë)
Vinicius Junior (Real Madrid, Brazil)
Vitinha (Paris Saint-Germain, Portugali)
Florian Wirtz (Liverpool/Bayer Leverkusen, Gjermani)
Lamine Yamal (Barcelona, Spanjë)
Në mungesë të dy prej emrave më të mëdhenj në histori të futbollit, garën për Topin e Artë këtë vit pritet ta dominojnë talentet e rinj dhe yjet e rinj në formë, duke sjellë një kapitull të ri në historinë e këtij çmimi të çmuar.
