Pas Rally Japan 2025, situata në Kampionatin Botëror të Rally-t po ndryshon shpejt. Piloti fabrikës Hyundai, Ott Tanak, ka njoftuar se do të bëjë një pauzë në karrierën e tij.

“Pas shumë viteve të pabesueshme në rally, tani është momenti i duhur të bëj një hap pas. Nuk është lamtumirë përfundimtare, por një mundësi për t’u rimbushur, për t’u shkëputur pak dhe për të kaluar më shumë kohë me familjen”, tha 38-vjeçari Tanak.

Periudhën më të suksesshme në karrierë e pati në vitin 2019, kur duke garuar për Toyotën fitoi gjashtë gara dhe u bë estonezi i parë kampion bote në WRC. Në “pensionin” e përkohshëm ai shkon me 22 fitore në WRC, 58 podiume, 434 prova speciale të fituara dhe gjithsej 1.879 pikë të grumbulluara.

Nuk dihet ende se kush do ta zëvendësojë atë te Hyundai. Në qarqet e rally-t po qarkullojnë gjithnjë e më shumë zëra se prodhuesi koreano-jugor mund të tërhiqet nga WRC pas sezonit 2026. Nëse rregullorja e re teknike do ta bindë Hyundai-n të qëndrojë, mbetet për t’u parë.