Drejtoria për Siguri dhe Emergjenca ka paralajmëruar reshje shiu gjatë mbrëmjes së sotme me mundësi të përmbytjeve të menjëhershme.

Në njoftim bëhet e ditur se bazuar në njoftimin e Institutit Hidrometeorologjik të Kosovës (IHMK), reshjet e shiut priten të jenë me intensitet mesatar dhe lokalisht të lartë, të cilat do të përfshijnë tërë territorin e vendit.

“Niveli i rrezikut: PORTOKALL, sasia e reshjeve mund të kalojë 40 l/m²/24h, me mundësi të përmbytjeve të menjëhershme, probleme në qarkullim, rrezik rrëshqitjesh dheu e balte, si dhe rrezik potencial për jetën e njerëzve dhe kafshëve”, thuhet në njoftim.