Ndryshimet e rregulloreve të MotoGP-së për vitin 2027 pritet të nxisin lëvizje të hershme në tregun e pilotëve. Dy nga emrat më të kërkuar janë Pedro Acosta, i cili nuk do të vazhdojë me KTM pas këtij sezoni, dhe Jorge Martin, kontrata e të cilit me Aprilia-n skadon në fund të vitit.

Menaxheri i tyre, Albert Valera, tha për Motorsport.com se Jorge Martin mbetet shumë i motivuar pas një sezoni të vështirë dhe synon të luftojë për titullin botëror. Sipas tij, marrëdhënia me Aprilia-n është normalizuar dhe ekipi mbetet një opsion serioz, pasi ka një motor në nivelin e Ducatit.

Sa i përket Pedro Acosta-s, Valera konfirmoi se VR46 është një mundësi reale, por theksoi se prioriteti kryesor është një vend në një ekip zyrtar, qoftë te Ducati apo te një prodhues tjetër. Vendimet për të ardhmen pritet të merren herët, për shkak të rregullores së re që hyn në fuqi në 2027.