Toyota Motor njoftoi se shitjet globale u rritën me 4.8% në korrik, duke arritur në 899,449 automjete, një rekord mujor dhe duke shënuar muajin e shtatë radhazi me rritje.

Kompania tha se kërkesa e fortë në Amerikën e Veriut dhe shitjet e modeleve hibride dhe elektrike në Kinë kanë qenë shtytësit kryesorë të kësaj rritjeje, raporton Reuters.

Prodhimi global i Toyota-s u rrit gjithashtu me 5.3% në korrik, duke shënuar rritjen e dytë mujore radhazi dhe rekord për këtë muaj. Shifrat përfshijnë edhe markën luksoze Lexus. /AutoPortali