Max Verstappen po mendon të ndryshojë numrin e tij të garës për 2026 nëse nuk e mban dot më #1. Normalisht ai do të kthehej te numri i tij i vjetër #33, por ka shprehur dëshirën të përdorë #3, numrin që ka pasur Daniel Ricciardo.

Aktualisht rregullat e FIA-s nuk lejojnë që një numër të merret nëse piloti që e ka përdorur nuk ka qenë jashtë F1 për dy sezone, ndaj Verstappen pret një ndryshim të rregullores. Tema është diskutuar tashmë në Komisionin e F1, dhe FIA ka konfirmuar se po përgatit një propozim që t’u lejojë pilotëve të ndryshojnë numrin gjatë karrierës.

Verstappen ka thënë me humor se numri i tij i preferuar do të ishte #69, por e ka përjashtuar për arsye marketingu. Ai ka përmendur gjithashtu numrat #27 dhe #7 si tërheqës, por #3 mbetet zgjedhja e tij e parë nëse rregullat e lejojnë.