Sot nis edicioni premierë i WRC-së, Rally Arabia Saudite 2025, në të cilin do të zbulojmë emrin e kampionit botëror të rallive për vitin 2025.

Rally Arabia Saudite është gara finale në kalendarin e Kampionatit Botëror të Rallive FIA 2025 dhe për herë të parë zhvillohet në këtë shtet. Elita botërore e rallive e ka vlerësuar këtë garë si një përzierje midis Rally Greqisë dhe Rally Kenias, me shumë lloje të ndryshme terreni. Terreni është kryesisht me rërë, pasi garohet praktikisht nëpër shkretëtirë, por rreziku vjen nga gurët e mëdhenj të fshehur shpesh nën rërë.

Kemi tre pretendentë për titullin kampion, të tre nga skuadra kampione Toyota: Elfyn Evans me 272 pikë, Sebastien Ogier me 3 pikë më pak dhe Kalle Rovanpera me 248 pikë, i cili ka vetëm shanse matematikore për titullin.