Volvo shpikësi i rripit modern të sigurimit, vazhdon të sjellë inovacione në këtë fushë duke integruar inteligjencë dhe teknologji të avancuara në sistemet e sigurisë së automjeteve të saj.

Modeli i fundit elektrik i Volvo-s, EX60, përfshin rripat e sigurimit Multiadaptive, të dizajnuar për të përshtatur në mënyrë optimale mënyrën sesi rripi mbron pasagjerët me forma dhe madhësi trupore shumë të ndryshme.

Ky sistem modern shfrytëzon fuqinë e madhe llogaritëse të makinave moderne për të mbledhur të dhëna nga sensorë të panumërt, që ofrojnë informacion të detajuar mbi madhësinë, peshën dhe tipologjinë e trupit të pasagjerit.

Në rast aksidenti, sensorë të tjerë analizojnë forcat që veprojnë mbi automjetin, duke identifikuar saktësisht drejtimin dhe intensitetin e tyre.

Bazuar në këto të dhëna, rripi i sigurimit aktivizohet për të ofruar mbrojtje maksimale, duke minimizuar dëmet dhe lëndimet që mund të shkaktohen gjatë përplasjes.

Në të njëjtën kohë, Administrata Kombëtare e Sigurisë së Trafikut në Autostrada (NHTSA) në SHBA po implementon ndryshime rregullatore që synojnë të detyrojnë përdorimin e teknologjive më të avancuara në sigurinë aktive dhe pasive të automjeteve.

Një tjetër hap i rëndësishëm në këtë drejtim do të jetë detyrimi ligjor për pajisjen me kujtesa për rripin e sigurimit në sediljet e pasme, që do të vlejë për të gjitha automjetet e reja të pasagjerëve duke filluar nga shtatori 2027.

Kjo masë synon të rrisë përdorimin e rripave të sigurimit në pjesën e pasme të automjeteve dhe të reduktojë numrin e vdekjeve dhe lëndimeve nga aksidentet.