Xherdan Shaqiri po kalon një prej periudhave më të mira të karrierës që prej rikthimit te FC Basel, klubi ku hodhi hapat e parë si profesionist.

Ylli i Zvicrës ka qenë vendimtar në kampionat dhe Evropë, duke regjistruar plot 63 gola dhe asistime në 64 ndeshje, statistikë që e vendos atë në qendër të suksesit të skuadrës.

32-vjeçari u rikthye në Superligën zvicerane pas aventurave me Liverpool-in, Lyon-in dhe Chicago Fire, duke marrë menjëherë rolin e liderit te Baseli.

Kontributi i tij ka qenë thelbësor në ringjalljen konkurruese të ekipit dhe rritjen e efikasitetit ofensiv.

Shaqiri, një figurë kyçe e futbollit zviceran dhe protagonist i rregullt në turnetë madhorë me kombëtaren, po dëshmon se “Shaqiri Magic” mbetet po aq i fuqishëm madje më i fortë se kurrë.