Lewis Hamilton, shtatë herë kampion bote, ishte i dëshpëruar pas garës në Las Vegas, ku përfundoi i teti. Piloti britanik i Ferrarit tha se i gjithë sezoni ka qenë katastrofë për të dhe se nuk pret përmirësime as vitin e ardhshëm.

Shefi i Ferrarit, Frederic Vasseur, i dërgoi atij një mesazh të qartë: “E kuptoj reagimin e Lewisit menjëherë pas garës. Por ai duhet të qetësohet dhe të fokusohet në dy garat e mbetura në Katar dhe Abu Dhabi”.

Vasseur beson se gjërat nuk janë aq të zymta sa duken: “Ritmi i tij në Las Vegas nuk ishte aq i keq, por u vështirësua shumë sepse nisi nga vendi i 20-të. Të gjithëve na dhemb, por duhet të qëndrojmë bashkë dhe të gjejmë zgjidhjen më të mirë”.

Hamilton ka 74 pikë më pak se shoku i skuadrës, Charles Leclerc, dhe ende nuk ka arritur asnjë podium që kur iu bashkua Ferrarit.