Lufta kundër shoferëve që tejkalojnë shpejtësinë, në varësi të vendit, merr forma të ndryshme.

Në Spanjë, tabela të tilla njoftojnë një praktikë interesante. Një tabelë trafiku njofton se rregullat e trafikut monitorohen nga dronë dhe madje edhe nga helikopterë, shkruan HAK, transmeton AutoPortali.

Dronët fluturojnë në një lartësi prej 120 metrash, mund të arrijnë një shpejtësi maksimale prej 80 km/orë dhe mund të zbulojnë gjobat për tejkalim shpejtësie deri në dy kilometra largësi. Rreth dyzet dronë janë të vendosur në Spanjë.

Dronët janë të pajisur me kamera me rezolucion të lartë, një oficer kontrollon dronin ndërsa një tjetër shikon pamje të shpejtësisë, manovrave të rrezikshme të parakalimit, përdorimit të një telefoni inteligjent pas timonit ose mosvendosjes së rripit të sigurimit.

Shkeljet më pas regjistrohen dhe gjobat u dërgohen shoferëve. Përveç dronëve, autoritetet spanjolle kanë edhe 12 helikopterë për të identifikuar shkelje të ngjashme. Ato janë të pajisura gjithashtu me pajisje radari për të zbuluar shkeljet e shpejtësisë.