Shtatë skuadra dolën në pistë ditën e parë të testeve parasezonale në Barcelonë, që do të zgjasin deri më 30 janar. Aktivitetin e nisën Mercedes, Red Bull, Alpine, Racing Bulls, Haas, si edhe debutueset Audi dhe Cadillac. Çdo ekip ka në dispozicion deri në tre ditë testimi.

Të martën, më 27 janar, debutuan një vendëshe të reja të Ferrarit dhe McLarenit, ndërsa Aston Martin do të zbresë në pistë vetëm nga e enjtja. Williams mungon në Barcelonë, pasi “FW48” e Carlos Sainz dhe Alexander Albon nuk e kaloi testin e përplasjes të FIA-s dhe do të rikthehet në testet zyrtare të shkurtit në Sakhir.

Koha më e shpejtë e ditës u regjistrua nga Isack Hadjar me Red Bull “RB22”, përpara dy Mercedesëve të George Russell dhe Andrea Kimi Antonelli. Valtteri Bottas, në debutimin e tij me Cadillac-Ferrari, theksoi se fokusi i skuadrës mbetet grumbullimi i sa më shumë kilometrave përpara nisjes së sezonit.