Parada tashmë tradicionale e Phillip Island u zhvillua sërish këtë vit përpara Çmimit të Madh të Australisë në MotoGP, duke mbledhur emra të mëdhenj të garave në një udhëtim special përmes ishullit.

Legjenda e MotoGP-së dhe anëtari i “Hall of Fame”, Casey Stoner, udhëhoqi paradën së bashku me pilotët aktualë si Francesco Bagnaia (Ducati Lenovo), Marco Bezzecchi (Aprilia Racing), Fermin Aldeguer (fituesi i GP-së së Indonezisë me BK8 Gresini), Enea Bastianini (Red Bull KTM Tech3) dhe australianin Jack Miller (Prima Pramac Yamaha).

Pjesëmarrës ishin edhe pilotë nga Moto2 dhe Moto3 si Senna Agius, Joel Kelso dhe Jacob Roulstone.

Parada nisi nga San Remo, kaloi përmes peisazhit mahnitës të Phillip Island dhe përfundoi në pistë, ku pilotët dhe qindra fansa bënë disa xhiro simbolike.

Casey Stoner u shpreh: “Kjo pistë nuk ngjan me asnjë tjetër në botë”.