Me dy garat në auto sllallom me veturat elektrike dhe dy në karting sllallom, të cilat mbahen të dielën në parkingun jugor të qendrës tregtare “Prishtina Mall”, përfundon kampionati i sivjetmë i Kosovës në automobilizëm.

Sipas kalendarit, garat ishin planifikuar të mbahen të dielën e kaluar, por u shtynë për shkak të motit me shi.

Prandaj, të dielën (2 nëntor), do të qartësohet gjithçka edhe për sa i përket renditjet përfundimtare në këto dy disiplina tek të dyja konkurrencat, meshkuj dhe femra.