Punëtorët e Trafikut Urban dhe atij privat po vazhdojnë protestën edhe ditën e sotme, si shkak i mosmarrjes së pagave.

Por për dallim nga dje, sot punëtorët kanë gjetur një mënyrë tjetër të shprehjes së pakënaqësisë.

Ata kanë zbarkuar me autobusë të linjave para Komunës së Prishtinës, raporton Klankosova.tv, përcjell AutoPortali.

Me autobusë punëtorët do qarkullojnë edhe nëpër qendër të kryeqytetit.

Në protestën e një dite më parë, kryetari i Prishtinës, Përparim Rama, iu bashkua transportuesve, duke akuzuar Qeverinë për bllokim të buxhetit dhe “sabotazh” ndaj Komunës.

Ndonëse më vonë u mbajt një takim, por asnjë marrëveshje nuk rezultoi mes punëtorëve të “Trafikut Urban”, operatorëve privatë dhe ministrit në detyrë të Financave, Hekuran Murati.