Një person humbi jetën dhe dy të tjerë u plagosën rëndë pasi një tramvaj doli nga shinat në një stacion pranë Muzeut Kombëtar në Sarajevë, njoftoi Shtabi Operacional i Ministrisë së Brendshme të Kantonit të Sarajevës më 12 shkurt.

Aksidenti ndodhi në orët e mëngjesit, dhe prokurori u informua menjëherë për incidentin. Në vendngjarje ishin të pranishëm policia, ekipet e ambulancës dhe zjarrfikësit për të menaxhuar situatën.

Sipas mediave lokale, dalja e tramvajit nga shinat shkaktoi shembjen pothuajse të gjithë stacionit të tramvajit.

Si pasojë, trafiku drejt qendrës së qytetit u ndal plotësisht, duke shkaktuar kaos në rrugët përreth.

Autoritetet po hetojnë shkaqet e aksidentit dhe nuk përjashtojnë asnjë mundësi për të kuptuar pse tramvaji doli nga shinat. /AutoPortali