Emiratet e Bashkuara Arabe kanë marrë vendimin që për turistet e huaj që kanë arritur datën e checkout-it, por që nuk kanë mundësi të udhëtojnë për arsye të mbylljes së përkohshme të hapësirës ajrore, do të mundësojnë zgjatjen e qëndrimi në hotelet ku jeni akomoduar, deri në momentin kur të jetë i mundur udhëtimi jashtë vendit.

Sipas njoftimit në mediat lokale thuhet se departamenti i Turizmit ka udhëzuar hotelet që të njoftojnë në rast se një turist nuk është në gjendje të mbulojë kostot që lidhen me zgjatjen e qëndrimit sa më shpejt të jetë e mundur, transmeton GazetaExpress, përcjell AutoPortali.

Në këtë situatë, hotelet janë udhëzuar të japin detaje shtesë, duke përfshirë kohëzgjatjen fillestare të qëndrimit të klientit, detajet e çdo zgjatjeje të qëndrimit dhe nëse kostot e akomodimit do të mbulohen nga një palë e tretë.

Ata shtojnë se njoftimi është bërë përmes rrjeteve sociale, në mënyrë që qytetarët që ndodhen në këtë situatë të komunikojnë me ekipin e menaxhimit të hotelit ku janë të akomoduar.