Një ngjarje tragjike ka ndodhur të martën në fshatin Carralevë të komunës së Shtimës, ku si pasojë e një aksidenti me traktor, ka humbur jetën një burrë 45-vjeçar.
Ai dyshohet se ka humbur kontrollin mbi mjetin bujqësor, i cili më pas është rrokullisur, duke i shkaktuar lëndime fatale, përcjell AutoPortali.
Me vendim të prokurorit trupi i pajetë është dërguar për obduksion.
Njoftimi i plotë i Policisë së Kosovës:
“Fsh. Carralevë, Shtime 16.09.2025. Raportohet se viktima mashkull kosovar, deri sa ka qenë duke punuar në pyll, traktori i tij është rrokullisur duke e zënë viktimën të cilit i ka shkaktuar lëndime vdekjeprurëse. Në vendin e ngjarjes kanë dalë njësitë relevante, ndërsa vdekjen e viktimës e ka konstatuar mjeku kujdestar. Me vendim të prokurorit është iniciuar rasti dhe trupi i pajetë është dërguar në IML për obduksion”, thuhet në njoftim.
