Një mjet “Nissan” është përfshirë nga flakët në unazën veriore të qytetit të Korçës.

I menjëhershëm ka qenë reagimi i shërbimit zjarrfikës, i cili ka bërë të mundur shuarjen e flakëve në automjet.

Sipas burimeve të siguruara siç raporton EuroNews, mjeti ka qenë në lëvizje kur është përfshirë nga flakët në pjesën e motorit.

Për punonjësit e shërbimit zjarrfikës, zjarri mendohet të ketë ardhur për shkak të një shkëndije elektrike, transmeton AutoPortali.

Policia ndodhet në vendin e ngjarjes dhe po heton për shkaqet e këtij zjarri, ndërsa drejtuesi i mjetit ka arritur të dalë në kohë pa pësuar lëndime.