Volkswagen Golf GTI i ri nuk është elektrik dhe nuk është hibrid, madje as i butë.

Në fakt, duket se vazhdon në të njëjtën mënyrë siç ka bërë për gati 50 vjet, duke qenë një version i thjeshtë por i arsyeshëm i modelit të ri që ka marrë përditësime graduale dhe të theksuara me çdo gjeneratë të re dhe ndryshim të pamjes në mes të ciklit. Logjikisht, ky GTI i fundit duhet të jetë më i miri që ka ekzistuar ndonjëherë, shkruan Autocar, transmeton AutoPortali.

Pasi të hapni derën, butoni i ndezjes së motorrit do të pulsojë me të kuqe derisa ta shtypni. Ky funksion është ekskluziv për modelet GTI, për t’ju krijuar humorin për një ngarje emocionuese ose diçka të tillë.

Sigurisht, Golf GTI i “ri” nuk është krejtësisht i ri. Mk8.5 është versioni i përditësuar i Mk8, i cili mbërriti në vitin 2021 pa marrë ndonjë vlerësim universal. Ai vuajti nga problemet e përgjithshme teknike të kabinës së Golf Mk8, si dhe nga një rregullim i pazakontë i pezullimit për atë që gjithmonë ka qenë një version më i pjekur i modelit “hot hatch”.