Kandidati për kryeministër të Kosovës nga radhët e PDK-së, Bedri Hamza, ka vendosur lule te varri i Bajramit Rexhepit në shtatëvjetorin e vdekjes së tij.

Përmes një postimi, Hamza ka shkruar se Rexhepi ishte i pandalshëm në angazhimin e tij me dekada të tëra për fuqizimin e shtetit të Kosovës, shkruan Gazeta online Reporteri.net.

“Kosova dhe Mitrovica, 7 vjet më parë, mbetën pa njeriun e popullit, mjekun e luftës, kryeministrin e parë të pasluftës, Bajram Rexhepin. Sot, në përvjetorin e shkuarjes së tij në amshim, e kujtojmë si figurë unifikuese të politikës në Kosovë. Ai ishte i pandalshëm në angazhimin e tij me dekada të tëra për fuqizimin e shtetit tonë. Si mjek e humanist, si kryeministër e ministër i Qeverisë së Kosovës, si kryetar e qytetar i Mitrovicës, si mik e bashkëpunëtor, Bajram Rexhepi ishte gjithnjë i dëshmuar”, thuhet në postimin e plotë të Hamzësk, shkruan Reporteri.net.

Sot mbushen shtatë vjet që kur u nda nga jeta ish-kryeministri i parë i Kosovës në kohën e pasluftës, Bajram Rexhepi.