Një aksident serioz trafiku ka ndodhur mbrëmjen e së enjtes në rrugën “Dëshmorët e Kombit” në Prishtinë, ku janë lënduar katër persona, përcjell AutoPortali.

Policia e Kosovës ka bërë të ditur se në aksident është përfshirë një kamion, të cilin e drejtonte një shtetas kosovar. Përveç shoferit, kanë mbetur të lënduar edhe tre pasagjerë që ndodheshin në automjet.

“Në aksidentin ku u përfshi një kamion i drejtuar nga një qytetar kosovar, janë raportuar katër të lënduar, përfshirë drejtuesin e mjetit dhe tre pasagjerë. Rasti po trajtohet sipas procedurave të rregullta”, thuhet në njoftimin e policisë./AutoPortali/