Heqja e shtresës së akullt për shoferët është gjëja e parë me të cilën duhet të përballen në mëngjes.

Megjithatë, një truk për ‘shkrirjen e xhamit’ që po shpërndahet me të madhe në internet mund të jetë i rrezikshëm për veturat tuaja dhe duhet të bëni kujdes.

Truku ka fituar popullaritet të madh në internet, duke qenë se shoferët po kërkojnë zgjidhje të shpejta me rënien e temperaturave.

Bëhet fjalë për fshirjen e shtresës së akullt me një qese të mbushur me ujë të vluar.

Ndonëse kjo metodë funksionon, një ekspert thotë se mund të jetë e rrezikshme.

Tim Rodie, pohon se kjo metodë mund të shkaktojë plasaritjen e xhamit të veturës tuaj, madje qesja mund të shqyhet dhe të përvëlojë shoferin për shkak të nxehtësisë, raporton Telegrafi, transmeton Autoportali.