Hibridet dhe makinat elektrike mund të rikuperojnë energjinë elektrike.

Thjesht, kur heq këmbën nga gazi, motori elektrik frenon, bëhet gjenerator dhe e shndërron energjinë kinetike në bateri. Por në dimër mund të jetë problem.

Klubi gjerman i automjeteve në Evropë (ACE) paralajmëron se në rrugët e rrëshqitshme me akull dhe borë, rikuperimi i tepërt mund të ndikojë negativisht në stabilitetin e makinës.

Kjo pasi ABS dhe ESP nuk mund të ndërhyjnë mjaftueshëm shpejt, thuhet në njoftimin për shtyp të klubit.

Nëse mund ta rregulloni fuqinë e rikuperimit me dorë, është më mirë të zgjidhni nivelin më të ulët të rikuperimit në kushte të tilla rruge.

Disa modele kanë gjithashtu rikuperim adaptiv ose kanë një mënyrë të veçantë funksionimi për ngasje në dimër ose në dëborë.

Prandaj, është e dobishme të hidhni një vështrim më të afërt në manualin e udhëzimeve të automjetit tuaj./HAK/