Policia e Kosovës po vazhdon me kontrolla rigoroze duke u munduar që të ulë edhe numrin e aksidenteve ku dhe në një tejkalim shpejtësie kanë ndëshkuar një kundërvajtës, përcjell AutoPortali.
Kjo ka ndodhur në rrugën rajonale Mitrovicë-Pejë, në segmentin rrugor të fshatit Klinë, ku kundërvajtësi kishte vozitur me shpejtësi 95 km/h në zonën ku kufizimi i shpejtësisë është 40 km
Si pasojë e kësaj ai është gjobitur me 300 euro, tri pikë negative dhe i është ndaluar ngasja e mjeteve motorike për tre muaj
Njoftmi i plotë i Policisë së Kosovës:
Ndëshkohet kundërvajtësi i cili në zonën e kufizimit 40 km/h drejtonte automjetin me shpejtësi prej 95 km/h
Njësia e trafikut rajonal gjatë kontrollit të trafikut rrugor dhe matjes së shpejtësisë me radar në rrugën rajonale Mitrovicë- Pejë, në segmentin rrugor në fshatin Klinë, kanë identifikuar kundërvajtësin, i cili në zonën e kufizimit 40 km/h, po zhvillonte shpejtësi prej 95 km/h.
Ndaj kundërvajtësit është shqiptuar gjobë prej treqind (300) euro, si dhe masa mbrojtëse-ndalimi i drejtimit te mjetit motorik prej tre (3) muajve në territorin e Republikës së Kosovës/AutoPortali/
