Emisari special për dialogun Kosovë-Serbi, Miroslav Lajçak, ka mbërritur në Prishtinë.

Gazetari i Klan Kosovës, Besnik Tahiri raporton se takimi i parë i tij ka nisur me zëvendëskryeministrin, Besnik Bislimi në Qeveri, raporton Klankosova.tv.

Kjo vizitë, siç ka deklaruar edhe vet Lajçaku javën e kaluar, ka për qëllim përgatitjen e një takimi në nivel kryenegociatorësh në kuadër të dialogut mes Kosovës dhe Serbisë.