Politikani serb, Nikolla Sandulloviq, kohë më parë kishte bërë homazhe te varrezat e familjes Jashari në Prekaz.
Pas kësaj ai ishte arrestuar e torturuar për disa ditë nga BIA serbe e madje edhe familja e tij ishte kërcënuar e shantazhuar,
Ai përsëri nuk ka hequr dorë nga qëndrimi i tij e sot ka postuar fotografinë e fëmijëve të familjes Jashari, që u vranë nga sulmet serbe në vitin 1998.
Sandulloviqi ka kërkuar nga ndjekësit që ta shohin mirë fotografinë dhe të pyesin veten nëse këta fëmijë janë “terroristë”, siç pretendon Serbia, raporton Gazeta Express.
“Shikoni mirë këtë fotografi, sepse këta janë fëmijët e familjes Jashari që janë vrarë. Ata u vranë me urdhrat e kriminelit të luftës Sllobodan Millosheviq. Në mesin e fëmijëve ishte 7-vjeçarja Blerina Jashari, e cila u vra me një plumb në kokë”, shkroi Sandulloviq.
Are these Albanian children terrorists?
Take a good look at this photo, because these are the murdered children of the Jashari family. They were killed on the orders of the war criminal Slobodan Milosević. Among these children was the seven-year-old girl Blerina Jashari, who was… pic.twitter.com/riN0qCRElD— Nikola Sandulovic (@Sandulovic_N) March 7, 2024
