Shërbimi Korrektues bashkë me Departamentin Shëndetësor të Burgjeve ka njoftuar se një person që ishte i burgosur në Qendrën e Paraburgimit në Prishtinë ka ndërruar jetë.
“Vdekja është konstatuar nga ekipi i Qendrës Emergjente të Qytetit. I burgosuri ishte duke u trajtuar sipas rekomandimeve të institucioneve shëndetësore publike (IPFK-së)”, thuhet në njoftimin e ShKK-së në Facebook, transmeton AutoPortali.
Njoftimi i plotë:
Njoftim nga SHKK dhe DSHB
Shërbimi Korrektues i Kosovës dhe Departamenti Shëndetësor i Burgjeve njoftojnë se sot rreth orës 07:40 në Qendrën e Paraburgimit në Prishtinë ka ndërruar jetë i burgosuri, V.M.
Vdekja është konstatuar nga ekipi i Qendrës Emergjente të Qytetit.
I burgosuri ishte duke u trajtuar sipas rekomandimeve të institucioneve shëndetësore publike (IPFK-së).
Organet kompetente janë duke i zhvilluar procedurat ligjore, ndërsa autopsia do të verifikoi shkakun e vdekjes.
