Ka nisur zyrtarisht afati kalimtar në NBA dhe që në ditën e parë nuk kanë munguar surprizat. LA Clippers është në qendër të kësaj dite, me James Harden që ka rinovuar edhe me dy sezone të tjera me skuadrën kaliforniane.

Nga ky ekip është larguar Paul George, që ka firmosur me Philadelphian. Një kontratë 4-vjeçare për basketbollistin 34-vjeçar, nga e cila do të përfitojë 212 milionë dollarë. Ky transferim e bën skuadrën e Philadelphias pretendente për sezonin e ri, duke formuar një trio të frikshme me George, Embiid dhe Maxey.

Pas një karriere të gjatë me Golden State Warriors, ku fitoi katçr tituj kampioni, largohet Klay Thompson si lojtar i lirë.

Një “divorc” me mikun e tij Stephen Curry, një dyshe e njohur me nofkën “splash brothers”.

Tashmë Thompson do të shohë për ofertat që do të vijnë nga Dallas, Lakers, Philadelphia dhe Clippers.

Basketbollisti lituanez Jonas Valanciunas ka lënë New Orleans për të luajtur me Washington, me të cilin firmosi një kontratë 3-vjeçare.