Gara e sotme (e martë) e triatlonit në Lojërat Olimpike të Parisit është shtyrë për shkak të ndotjes së lumit Sena.

Edhe pse kryebashkiaku i Parisit, Anne Hidalgo, bëri ‘plazh’ në lumë para fillimit të Lojërave Olimpike për të treguar se lumi është i pastër, shiu i madh i fundit ka ndikuar në nivelin e cilësisë së ujit në këtë lumë.

Sena është aq i pistë sa seancat stërvitore të së dielës dhe të hënës, si dhe gara e sotme për meshkuj, u anuluan.

Organizatorët njoftuan se garuesit do të rrezikonin shëndetin e tyre nëse do të notonin në Sena dhe vendosën që më së miri do të ishte që gara të shtyhej për nesër.

Nesër, sipas orarit, femrat duhet të garojnë në orën 08:00, pas së cilës meshkujt do të paraqiten në orën 10:45.

Megjithatë, edhe kjo është e diskutueshme sepse ka pak mundësi që Sena të mos jetë e ndotur nesër, dhe ka mundësi edhe për stuhi, që do të thotë se gara nuk do të jetë e mundur as nesër.